By zunjarbharat@gmail.com 
म्हसवड महाविद्यालयात अँटी रॅगिंग भित्तिपत्रकाचे दिमाखात अनावरण
📍 म्हसवड | दि. २२ सप्टेंबर २०२६
फलटण एज्युकेशन सोसायटीच्या श्रीमंत भैय्यासाहेब राजेमाने महाविद्यालय, म्हसवड येथे अँटी रॅगिंग जनजागृती भित्तिपत्रकाचे उत्साहात अनावरण करण्यात आले.
कार्यक्रमाच्या अध्यक्षस्थानी महाविद्यालयाचे प्राचार्य तथा अँटी रॅगिंग कमिटीचे चेअरमन डॉ. विकास काकडे होते.
यावेळी श्रीमंत हिंदमालादेवी विजयसिंह राजेमाने (मा. नगरसेविका, म्हसवड नगरपरिषद) यांच्या हस्ते मराठी, तर प्रसिद्ध स्त्रीरोग तज्ज्ञ डॉ. मनिषा बाबर यांच्या हस्ते इंग्रजी अँटी रॅगिंग भित्तिपत्रकाचे अनावरण करण्यात आले.
यावेळी मान्यवरांनी रॅगिंग हा गंभीर गुन्हा असून विद्यार्थ्यांनी रॅगिंगपासून दूर राहावे आणि कोणतीही घटना घडल्यास निर्भयपणे तक्रार करावी, असे आवाहन केले.
कार्यक्रमास अँटी रॅगिंग कमिटीच्या को-ऑर्डिनेटर डॉ. प्रज्ञा माने, सदस्य प्रा. आर. जे. पवार व प्रा. अंजली माने यांच्यासह प्राध्यापक, कर्मचारी आणि विद्यार्थी-विद्यार्थिनी मोठ्या संख्येने उपस्थित होते.
🛡️ रॅगिंगमुक्त परिसर – सुरक्षित विद्यार्थीदशा!
📰 साप्ताहिक झुंजार भारत
निर्भीड लेखणी… जनतेच्या प्रश्नांसाठी!